Меню
16+

Сетевой центр «Хебда-онлайн»

28.03.2019 14:02 Четверг
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ЖамагIаталъул суал борхана

1 марталъ ГIуриб росулъе сапар бухьана районалъул бетIер МухIамад ХIасановас ва райсобраниялъул председатель МухIамадамин Хизроевас.

Росдал жамагIатгун дандчIван, М. ХIасановас цIех-рех гьабуна росулъ бугеб ахIвал –хIалалъул, кьуна гIадамазул суалазе жавабал. Росдае гIураб бацIцIадаб лъим чIезабиялъул ва школагун садик къачIай букIана жамагIаталъул аслиял проблемиял суалал.

Щибаб итниялъ администрациялъул отделазул нухмалъулел ва районалъул бетIерасул заместителал ракIарараб иргадулаб данделъиялда МухIамад ХIасановас борхана гьеб суал.

- Сапаралъул аслияб мурад букIана росулъ гIадамазул гIумру яшавалъе ругел шартIазул цIех-рех гьаби. ГIуриб гьел щвана школалде , садикалде, библиотекалде ва клубалде. Жакъасеб къоялде садикалда инеб буго богорукъолъул ремонт, тIаде балеб буго цеберукъ ва хинаб хIажатхана. ГIуриб гьоркьохъеб школа буго 1976 соналъ баралдаса, жеги капиталияб ремонт жаниб гьабичIеб. ЦIулал конструкциябазул дандбараб школа, буго цIакъ къваридаб хIалалда,- ян абуна М.ХIасановас.

Школалъул басралъараб минаялъул суал тIалабалде босун, рекъон кколел идарабазе гьес тIадкъай кьуна ремонталъе къваригIараб гIарцул кумек щвезе, документация хIадуризе тIалаб гьабеян. Комиссияги гIуцIун гьеб проблемаялде кIвар буссинабизе хIукму гьабуна.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5