1 марталъ ГIуриб росулъе сапар бухьана районалъул бетIер МухIамад ХIасановас ва райсобраниялъул председатель МухIамадамин Хизроевас. Росдал жамагIатгун дандчIван, М. ХIасановас цIех-рех гьабуна росулъ бугеб ахIвал –хIалалъул, кьуна гIадамазул суалазе жавабал. Росдае гIураб бацIцIадаб лъим чIезабиялъул ва школагун садик къачIай букIана жамагIаталъул аслиял проблемиял суалал. Щибаб итниялъ администрациялъул отделазул нухмалъулел ва районалъул бетIерасул заместителал ракIарараб иргадулаб данделъиялда МухIамад ХIасановас борхана гьеб суал.