ТIабигIиял ресурсазул ва экологиялъул цIияв министр
Районцоязул церетIеял
28 февралалъ ДРялъул хIукуматалъул председатель ГIабдулмуслим ГIабдулмуслимовас тIабигIиял ресурсазул ва экологиялъул Министерствоялъул цIияв нухмалъулев вихьизавуна. Гьеб тIадегIанаб хъулухъалъе мустахIикълъана нилъер районцояв, ГIурада росулъа Ибрагьимов Ибрагьим МухIамадович.
Баяналъе:
Ибрагьим Ибрагьимов гьавуна 1963 соналъ Советский районалъул ГIурада росулъ.
1985 соналъ Дагъистаналъул росдал магIишаталъул институтги лъугIизабун, Ибрагьимов хIалтIизе лъугьана Даггосплемобъединениялда экономистлъун.
1986-1987 саназ хIалтIана ГIурада совхозалда, захIматалъул экономистлъун, хадув гьебго совхозалда бетIерав экономистлъун.
1990-1992 саназ вукIана СССРалъул КГБялъул тIадегIанал курсазул гIенеккулевлъун. Гьединго, 1990-2007 саназде щвезегIан вукIана Россиялъул УФСБялъул ДРялда батIи-батIиял хъулухъазда.
2007-2013 саназ РФялъул ФКСН Управлениялъул Дагъистаналда начальникасул заместительлъун хIалтIана.
2013-2014 саназ Дагъистаналъул мугIрузул районазда гьабуна ДРялъул бетIерасул вакиллъи.
2015-2019 саназ ДРялъул бетIерасул ва ХIукуматалъул коррупциялда данде къеркьеялъе Управлениялъул нухмалъулесул хIалтIи тIубазабулеб букIана.
2021 соналъул байбихьуда ДРялъул бетIерасул Указалда рекъон, Ибрагьим Ибрагьимов тIамула ДРялъул ХIукуматалъул гIуцIиялъулгун проекталъулаб Управлениялъул нухмалъулесул ишал тIуралевлъун. Жакъа къоялде щвезегIан Ибрагьимовас гьеб хъулухъ тIубалеб букIана.
Райадминистрациялъул ва редакциялъул рахъалдасан баркулеб буго Ибрагьим Ибрагьимовасда цIияб жавабияб хIалтIи. Къадру-къиматалда тIадегIанаб хъулухъ бачине къуватги сахлъиги кьеги
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
