#Стопкоронавирус
ДРялъул Роспотребнадзоралъул управлениялъул баяназда рекъон, цIияб соналъул 3 анкьида жаниб республикаялда тIатана 1678 цIияб коронавирусалъ унтарал. Щибаб къоялъ 142 ялдаса 342 щвезегIан къадар загьирлъана арал анкьаз.
Гьединго, Роспотребнадзоралъул анализазда рекъон социалияб структураялда унтаразул бищун цIикIкIунисеб къадар кколеб буго хIалтIуда гьечIезде-51%, пенсионерал-12%, хъулухъалда ругезул 23,8%, гьезда гьоркьоса медицинаялъул хIалтIухъабазул буго 10,2%, лъайкьеялъул идарабазул 5,3%.
Гьеб статистикаялъ якъинго бихьизабулеб буго вакцина гьабиялъул хIасил. Вакцина гьабиялъулъ цересел кьерда рукIана медицинаялъул ва лъайкьеялъул идарабазул хIалтIухъаби.
Ахирисеб коронавирусалъул штамм «Омикрон» бихьизабулеб буго бищун хехго тIибитIулеблъун, гьединлъидал, къокъаб заманалда жаниб унтаразул ва унти тIибитIизабулезул къадар цIикIкIунеб буго.
ЦIикIкIун унтарал ругел районазул сияхIалда гьоркьоб буго нилъер районги. Райбольницаялъул баяназда рекъон, 2 февралалде больницаялда регаразул къадар буго 28 чи, рокъоб дару-хер гьабун ругезул- 278 чи. Эпидемиологическияб ахIвал-хIалги къойидаса къойиде квешлъани, кIвар кьечIого гьадинго нилъги хьвадани, исанаги мажгитал къаялъул ва мажлисалги гьукъиялъул хабар буго. Гьединаб хIасил ккеялдаса цIуна-къай гьабуни, лъикIаб гьечIищ нилъее?
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
