Шамил районалъул выпускниказда барки
Хириял цIалдохъаби, выпускникал, мугIалимзаби ва умумул! Баркула нужеда цIалул сон лъугIиялъул байрам –Ахирисеб цIумур!
Выпускниказе бищун кIвар цIикIкIараб, мугIалимзабигун умумул чIухIараб ва цадахъго пашманлъулеб къолъун ккола школа лъугIункъватIир риччалеб къо – Ахирисеб цIумур. 11 сон – дагьаб заман гуро. Нужер вацал яцаллъун лъугьарал классцоялгун, кIиабилел умумуллъун лъугьарал мугIалимзабигун ратIалъизе ккей, лъала бищун пашманлъиялъул асар цIикIкIинабулеб хIакъикъат букIин. Пачалихъалда бугеб ахIвал-хIал хIисабалде босун, гIадатияб къагIидаялъ Ахирисеб цIумур кьабиялъул байрам тIобитIизе данде ккечIо тIолго Россиялъул школазе.
Дицар акI – ракIалъ баркула выпускниказда школа лъугIи! Гьарула нужее цIалулъ бергьенлъаби, талихI ва рохел. ТIурайги нужер киналго мурадал! КIочон тоге кидаго нужерго гIагараб росу ва школа. Кидаго хIаракат бахъе эбел – эмен рази гьаризе: гьелъулъ батула нужеда талихI. Тоге рехун нилъер гIадатал ва Исламалъул нух.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
