ХIежалдасан салам

Исламалъул щуабилеб рукну- хIеж тIубазе рес щун буго исана Россиялдаса 25 500 бусурбанчиясе. Гьездаса 10 000 чи руго Дагъистаналдаса сапар бухьарал. Гьал хириял къояз, къиматаб Маккагун Мадинаялдаса, нилъер жамагIаталде битIун бачIун буго ракьцоязул баркиялъул салам:

Районалъул имам

ХIасан МухIамадов

Ассаламу гIалайкум Шамил районалъул жамагIат! Салам буго нужеде хIежалъул хирияб ракьалдаса. ТIаде щолеб бугеб ГIарафа къоги, бусурбабазул бищун кIудияб гIидги баркула нужеда ракI-ракIалъ.

Аллагьас киназулго хъураб къурбан къабул гьабун аза-азарил даражаялде бахинабеги. Ибрагьим аварагасул (гI.с.) къурбан гIадин, къабул гьабеги Аллагьас нилъер киналго лъикIал гIамалал.

Нижеца дугIадулъ рехсолеб буго тIолабго районалъул жамагIат. Нижее нух битIагиян дугIа нужецаги гьабе.