Меню
16+

Сетевой центр «Хебда-онлайн»

10.07.2019 15:43 Среда
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Наслаби рачIана гIасраби хъвалхьун..

МагIарулазул интеллигенциялъул, мугIалимзабазул ва жамгIиял хIаракатчагIаздасан гIуцIараб къокъа щвана нилъер районалде 29-30 июналъ.

БатIи-батIиял районазда ва шагьараздаса вакилзаби цолъиялъе гIила букIана басрияб Гьидалъе щвезе гъира. Гьезда гьоркьор рукIана цересел гIасрабаз Гьидалъа Гъуниб, ЧIарада ва ЦIумада мухъазул ракьазде гочарал гьидерил наслабазул чагIи.

Гьалбал къабул гьарулеб тадбиралда гIахьаллъана районалъул бетIер М. ХIасанов, гьесул заместитель М. МахIачев, райОНОялъул нухмалъулев Ибрагьим ХIажиев ва цогидалги гьидерил росабазул хъулухъчагIи, районалъул культураялъул ва искусствоялъул гьунарчагIи. Гьайбатаб тIабигIаталъул ракьалда МачIада, Расул ХIамзатовасул цIаралда бугеб лагералда гьабуна гьалбадерида дандчIвай. Гьениб, «гьидерил жамагIаталъул хIакъикъиял вакилзабилъун рикIкIуна»-абурал хасал кагъталги кьуна гьидерил наслуялъул чагIазе «Гьидалъ» обществоялъул цIаралдаса. Лъайкьеялъул отделалъул нухмалъулев, Гьидалъ обществоялъул председатель Ибрагьим Хажиевас хIурматиял гьалбазе жиндирго рахъалдасан сайгъат гьаруна Гьидерил тарихалъул тIахьал.

Официалияб тадбиралдаса хадуб гьалбадерил къокъа щвана ХIарада абурабнекIсияб росу букIараб бакIалде. Цебеккун Къарахъе тIубараб росуго гочараб бакIалъул чIунтелазда лъикIаб тадбирги гIуцIун, хинаб дандчIвай гьабуна ГьентIа росдал гIадамаз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1