«Ахирисеб цIумур, ахирисеб дарс..

Лъайкьеялъул бутIаялда

Щивав инсанасул гIумрудулъ хасаб бакI ккураблъун буго балугълъиялде рахиналъул завал. Байрамалъулаб къагIидаялда ретIа-къарал ва кодор тIугьдузул квацIаби ккурал улбуз, гъажалдаса бараб цокIкIалаб лента барал ясазгун васаз берцин гьарун рукIуна школазул азбарал. Гьеб къоялъ выпускниказул рекIелъ багъулеб букIуна пашманлъигун рохел. Исанаги тIолабго улкаялда гIадин, нилъер районалъул киналго школазда тIобитIана 24-25 маялда ахирисеб цIумур кьабиялъул тадбир. 2019 соналъ нилъер районалда 11 класс лъугIун къватIире ине руго 141 цIалдохъан, 9 класс лъугIана 292 ясул.