Лъабго жамагIат цолъараб лъикIаб гвай

ЖамагIаталъул газа______________________________________

Лъабго жамагIат цолъараб лъикIаб гвай

Гьолокь росулъа Гъогъолъе ва ТIелекье унеб лъабго километраялъул нух къачIана гьеб кIиябго росдал жамагIатги бахъун.  ЧIахIиял машинабаз  ракь баччун, автогрейдералъ ритIизарун тIадран нухал къачIаялъул хIалтIаби унаго, гьенире тIаде щвана   районалъул бетIер М.ХIасановгун гьесул заместитель ГIабдуразакъ Рамазанов, районалъул нухазул идараялъул нухмалъулев Амин ХIасанов ва «Информцентралъул» хIалтIухъаби. Лъабабго жамагIат цолъун гьабулеб гьеб гвагьулъ гъежгурун хIалтIулел ратана ТIелекь, Гъогъолъ ва Гьолокь росабазул бегавулзабиги. Гьолокьа байбихьун эхедераялда ругел нухал къачIачIого бегьулеб хIалго букIинчIилан  бицана ТIелекь росдал бегавул  ГIалиасхIаб Юсуповас. Гьединго гьес росабазул жамагIатазул ва лъабабго росдал бегавулзабазул рахъалдасан  баркала загьир гьабуна рес батизабун ункъго автомашина КАМаз, экскаватор ва  автогрейдер нухда хIалтIизе кьуралъухъ нухазул идараялъул нухмалъулев Амин ХIасановасе.   Гьенибго районалъул бетIер М.ХIасановасги абуна, Гьолокьа ТIелекь-Гъогъолъе бачIунеб шагьранухлул тIоцебесеб километралда республикаялъул нухазул идараялдасан кумекги тIалаб гьабун,  гьаб соналда  хъил тIеялъе квербакъизе бугилан.