Меню
16+

Сетевой центр «Хебда-онлайн»

30.03.2017 22:02 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

М. Х1асанов: « Яшав лъикIлъизабизе гъеж гурун нилъго хIалтIизе ккола ..»

Иргадулаб сапаргун араб рузман къоялъ районалъул нухмалъулел щвана ТIасабакълъухъе. 

Росабалъе сапар__________________

 

М. Х1асанов:

« Яшав лъикIлъизабизе гъеж гурун нилъго хIалтIизе ккола ..»

Иргадулаб сапаргун араб рузман къоялъ районалъул нухмалъулел щвана ТIасабакълъухъе. Райсобраниялъул председатель М-А. Хизроев ва районалъул бетIерасул заместитель К. МухIамадовги гIахьаллъун тIобитIана росдал депутатазул сессия. ТIасабакълъухъ росдал бегавул МахIмуд ГIащикъиловас депутатазе хIисаб кьуна  живго хIалтIуде вачIараб къоялдаса нахъе гьабун рагIалде бахъараб хIалтIул, бицана хадубккун гьабизе хIисабалде босаралъулги. Сессиялъул ахиралда депутатаз росдал бегавуласул хIалтIи лъик1аблъун рик1к1ана.

    Рузманалдаса хадуб тIобитIана росдал жамагIаталъул районалъул нухмалъулезулгун дандчIвай.

 Жиндирго хIалтIул бицунаго росдал бегавулас рехсана росдал администрациялъ ва жамагIаталъ ц1ик1к1ун кIвар кьолел рахъал.  Аслияблъун бихьизабуна гьес нухал рахъи, росдал къватIал бетон тIун къачIай, лъим бахъун хIавузал рай, токалъул кваралгун хIубал хиси, кьищни-къул хасаб полигоналде баччи г1адаб х1алт1и. Гьединго М.ГIащикъиловас бицана исана  росулъе шагьра- нух цIигьабиялде ва гьебго нухда бугеб кьо цIигьабиялде к1варкьезе бугин.

 Районалъул нухмалъулезе жидерго масъалаби рагьулаго, ТIасабакълъадерил жамагIатчагIаз  бицана ракьазул, минабазул «зеленкаби» гьариялъул, токалъул къуват гIунгутIиялъул, ФАПалъе ва ясли-ахалъе цIиял минаби разе, спортзал къач1азе хIажалъи бук1иналъул.  Гьенибго борхана жидерго ракьалда г1езарурал ниг1матал ричизе, гьел жанир цIунизе бакI районалда хIажат бук1иналъулги суал.

ЖамагIатчагIазул гIарз букIана полициялъул участковый жидехъе вачIунгутIиялъулги. Нужехъе участковый вачIунищан абураб районалъул бетIерасул суалалъе жамагIатчагIаз жаваб кьуна- нижеда гьев чи ахираб анцIго соналда жаниб вихьизецин вихьич1ин.

Данделъиялда хIисаб кьуна ТIасабакълъухъ СПКялъул нухмалъулев  Гь. ХIурбековас. Щибаб соналъ росулъ гьабулеб хIалтIуе СПКялъ кумек гьабулин жеги гьабизеги бугин абуна гьес. Районалъул бетIерасда гьес гьарана, кадастраялъул хIалтIухъабазул гIайибалдалъун СПКялъухъа нахъе араб Таловкаялда аскIоб бугеб 560 гектар  ракь тIадбуссинабизе ва гьединго Кочубеялда бугеб бецулеб ракьалде лъалъалеб лъим щвезабиялъе кумек гьабеян.

Районалъул бетIерас жамагIаталдехун хитIаб гьабуна благоустройствоялъе риччарал дагьалго гъурщазухъ балагьун чIечIого, росулъ гьабулеб хIалтIулъ щивав жамагIатчияс жигараб бутIа лъезе кколилан.

-Нилъерго росу цIигьабизе, яшав лъикIлъизабизе тIоцере гъеж гурун нилъго хIалтIизе ккола. Жамаг1аталъул щивав чиясул бутIаги букIине ккола гIаммаб ишалъулъ. Росулъе лъикIаб нух букIине ккола тIоцебесеб иргаялда. Гьеб буго бегавуласулги жамагIаталъулги гьумер.

Нужеца гьабулеб хIалтIуе хIукуматалдаса щолеб кумек цадахъ лъугьун тIалаб гьабизе дунги хIадурав вуго.

  Данделъиялдаса хадув районалъул бетIер щвана ФАПалде, ясли-ахалде ва школалде. 

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

23