Росабалъе сапар_______ Азбар къварид гьабун, къватI гIатIид гьабун
Минабазул чIахIалъи, азбаралъул гIатIилъи гIолареб заман буго гьаб. Ракьул гали сабаблъун кьалде гIедегIегIаралги гIемер рукIуна. Амма, кIитIалаяб минаялъул къедги биххун къватI гIатIид гьабурав чи тIоцеве рагIана. РагIун гуреб, бихьизеги бихьана.
Росабалъе сапар
Азбар къварид гьабун, къватI гIатIид гьабун
Минабазул чIахIалъи, азбаралъул гIатIилъи гIолареб заман буго гьаб. Ракьул гали сабаблъун кьалде гIедегIегIаралги гIемер рукIуна. Амма, кIитIалаяб минаялъул къедги биххун къватI гIатIид гьабурав чи тIоцеве рагIана. РагIун гуреб, бихьизеги бихьана.
Районалъул нухмалъулелгун гьал къоязда ниж щвана Гьандихъе. Рихьана росулъ ругел киналго идараби, халгьабуна больницаялъул, ясли-ахалъул, школалъул, дандчIвана жамагIатгун. Бегавуласул хIаракат батаниги, гIадамазул чIаголъи батаниги кибе бер щваниги мухIканго гIуцIцIараб, рацIцIалъи цIунараб росу буго Гьандихъ.
Росабалъ басриял авалазда кибго букIунеб къватIазул къварилъи гьенибги буго. Амма гьелгицин гIатIид гьаризе санагIат балагьулеб буго гьез. Росу бакьулъа эхеде унеб къватI гIатIид гьабизелъун жидерго кIитIалаяб минаялъул хьолбол къед биххун цIидасан бараб бакI бихьана нижеда. Гьебго къотIноб халатаб манзилалъ бугеб жидерго азбаралъул къед жанибегIан цIцIан цIидасан бан буго цогидаз. Гьаниб щибаб къватIалъул, бокIоналъул мухIканго бицинчIониги чанги гьединаб лъикIаб иш гьабун буго Гьандихъ. –Щивав чиясда лъазабизе рекъараб, киналго росабаз мисал босизе мустахIикъаб иш буго гьаб,-ин абуна къватIал гIатIид гьариялъе гьанхъадерица гьабураб хIалтIи бихьидал районалъул бетIер МухIамад ХIасановас.
P.S. Районалъул нухмалъулез Гьандихъе гьабураб сапаралъул гIатIидаб материал цIале 3-абилеб гьумералда.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
