Меню
16+

Сетевой центр «Хебда-онлайн»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Живая классика» конкурсалде гъира цIикIкIунеб буго.

Классика — цо хасаб къагIидаялъ хъвараб тIехь гуро, гьеб буго хасаб къагIидаялъ цIалараб тIехь, -ян абун буго Аргентинаялъул поэт, публицист Х. Луис Борхесас. Унго-унгоги хасаб къагIидаялда хабариял асарал цIализе махщел бугел цIалдохъабиги, жидерго дарс ва цIалдохъаби рокьулел мугIалимзабиги ракIарун рукIана гьаб анкьил арбагI къоялъ лъайкьеялъул отделалда.

Художествиял тIахьал цIалулелги, гьезул магIна бичIчIулелги гIемер гьечIо гьаб заманалда гIолохъанаб гIелалъулъ. Гьединлъидал, цо чанго сон буго «Живая классика» абулеб цIаралда гъоркь тIобитIулеб цIалдохъабазул церерахъиназ, гIурус литератураялъул школалъул программаялда гьечIел асарал цIалиялде гIолилазул бербалагьи буссинабулеб. Гьелъ лъикIаб хIасилги кьолеб бугин абизе бегьула, щайгурелъул, лъагIалидаса лъагIалиде «Живая классика»ялда гIахьаллъулезул къадар цIикIкIунеб букIин бихьулеб буго. Исана гьел къецазда гIахьаллъи гьабуна ХIебда, Ругъелда, КъахIиб, МачIада, ГIурада, Лъахъ, ГIасаб, ТIогьохъ, ГIуриб, Бакълъухъ, ТIидиб, ГьентIа ва Микьигьориб росабазул 34 школлъималаз.

ЦIалдохъабазул церерахъиназе къимат кьолеб букIана:

* пасихIго рекIехъе хабар бициналъе;

* рекIелъе бортуледухъ, магIнаялъул гъварилъиги авторасул пикруги балагьаразухъе кьезе бажариялъе;

* гъалатI гьечIого калам гьабиялъе;

* авторас хъвараб хабар, актераз гIадин асар гьабуледухъ бициналъе;

* магIна бугеб, лъикIаб хабар, яги хабарияб асаралъул бутIа бищиялъухъ балагьун.

Киналго цIалдохъаби лъикI хIадурун рукIиналъ, жюриялъе цIакъ захIмат букIана гьезие къимат кьезе. Гьез, хIакъикъиял актераз гIадин, чIаго гьаруна жидецаго цIалулел асаразул героял. ГъалатI ккечIого рекIехъе киналго гIахьалчагIаз бицаниги, жюриялъул тIалабалда рекъон кинабго рахъалъ бищунго камилаллъун рукIана ХIебда, МачIада ва ТIидиб школазул цIалдохъабазул хIадурлъи.

Республикаялъул «Живая классика» къецазда гIахьаллъизеги, гьал тIадехун рехсарал школазул цIалдохъабазда гьоркьоса рищун ритIизе ругилан баян кьуна жюриялъул председатель П. Хизроевалъ.

П.МухIамадова

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

26