Коронавирусалъ унтун рукIаразул диспансеризация
Ковид-19 абулеб унтиялдаса сахлъарал пациентазул 2-3 моцIидасанги сахлъиялда хурхарал гIарзал гIемерлъулел руго Россиялъул Минздравалъул баяназда рекъон. Гьелда хурхун, Россиялъул президентас гьабун буго тIадкъай коронавирусалъ унтаразул гъваридаб диспансеризация гьабизе.
Районалъул поликлиникаялда ва росабалъ ругел амбулаториязда байбихьун буго коронавирусалъ унтун 2 моцIги ва тIадги барал пациентазул диспансеризация гьабизе.
ТIоцебесеб иргаялда диспансеризация гьабизе буго басриял (рекIел, гьуърузул, диабет ва цогидал) унтаби ругезе ва захIматго унтун рукIаразе.
Диспансеризация гьабула кIиго этапалда. ТIоцебесалда балагьула бидулъ бугеб кислородалъул къадар, гьарула бидул анализал, флюорография, ахиралда врач-терапевтас гьабула киналъулго хIасил. КIиабилеб этапалъул диспансеризация гьабула тIоцебесеб этапалда сахлъиялъул гIунгутIаби ратарал пациентазе: гьуърузул КТ, рекIел УЗИ ва махIабазул бидурихьазул УЗДГ.
Районалъул больницаялда гIуцIун буго гъваридаб диспансеризация гьабизе мустахIикъал пациентазул сияхI ва календаралъулаб план. Росабалъ ругел медицинаялъул хIалтIухъабазул лъазабиялда рекъон рачIине ккола диспансеризация гьабизе, гьелда хурхарал халгьабиял цо къоялда жанир тIуразаризе ресалги гьарун руго районалъулаб поликлиникаялда. Гьебго къоялъ коронавирусалъул унтиялде дандечIараб вакцина гьабизе бокьилин ракIалде ккарав чиясе гьеб гьабизеги ресал руго.
ТФОМСалъул филиалалъул директор ГI.ГIалибегов
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
