МугIрузул хоккеистал
Зивуриб росулъ спортивиял хIаял
Росабазул гIумру
МугIрузул хоккеистал
Зивуриб росу бакьулъ бугеб 2 м гъварилъи бугеб хIорихъ 50гIанасеб сон буго хасало тIад цIер чIвайдал, лъимал хъещтIолеб. Амма цере гьадинго рекIелгъеялъе хъещтIолел рукIун ратани, ахир заманаялъ гьез гьеб сверизабуна унго-унгояб спорталде. Клюшкаби ва шайбаби хIадур гьарун, конькабиги росун, судьяги вищун, профессионалиял хоккеистаз гIадин хоккеялъул хIай гьабулеб буго зивурисезул гIисинал васаз ва гIолилаз. Клюшкабиги зивурисез махигъотIол щулияб цIулал гьарулел руго. БитIизе, цIвакизе гьабураб цIоротIа гъираялда хоккей хIалезги, сверухъ гIодор чIун ралагьарал цIикIкIараб гIелалъги кIудияб рекIелгъей гьечIел хасалил къоял цIакъ лъикI тIамулел ругоан. Мех-мехалъ командаялде рикьун, цIикIкIаралги лъугьунел руго цIоротIе хIай гьабизе.
Дагьал церегIан къояз зивурисезул спорталде бугеб рокьиги, сахаб гIумруялъул рахъ ккун гьез гьарулел хIаязулги рагIун, репортаж гьабизе Зивуриб росулъе щвана МахIачхъалаялдаса РГВК телевидениялъул хIалтIухъабиги.
ХIажат гьечIел пишабазде руссине течIого щибаб росулъ гIолилал сахаб гIумру тIамиялде, ай цониги спорталъул тайпаялде руссинаруни цIакъ лъикI букIина. Эбел-инсуеги рекIее парахалъи щвела лъимал заралиял ишазде руссинчIого хутIиялъ. ГIолилазе сахлъиги, церетIейги, росдал цIар машгьурлъиги –лъикIабщинаб бихьулеб буго гьединал пишабазулъ.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
