Меню
16+

Сетевой центр «Хебда-онлайн»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Бищун лъикIав классрук

Автор: Гитинова П.Д
Отв.секретарь

Лъайкьеялъул бутIаялда

2022 сон ДРялъул бетIерасул указалда рекъон, Дагъистаналда бихьизабун буго лъай кьеялъул сонлъун. Гьединлъидал, исана соналъ Дагъистаналда гьелде руссарал гIемерал тадбирал гьаризе рихьизарун руго.

Районалъул лъайкьеялъул отделалъ 3 марталъ классалъе нухмалъи гьабулезулъ бищун лъикIав мугIалим тIатинавулеб «Самый классный классный» абураб конкурсалъул муниципалияб этап тIобитIана нилъер районалда.

Профессионалиял къецал тIоритIана классалъул нухмалъулезул къимат ва статус борхиялъул, цIалдохъабазе кьолеб тарбия цIикIкIиналъул мурадалда. Гьеб къецалда мугIалимзабаз бихьизабуна классалъулгун гьабулеб хIалтIи бачине бугеб бажари ва цIалдохъабазе лъай кьезе бугеб махщел.

Конкурсалда гIахьаллъана ГьентIа гьоркьохъеб школалъул мугIалим ШейхмухIамадова П., ХIебда гьоркьохъеб школалъул мугIалим ХIажиева С., Гьоор гьоркьохъеб школалъул мугIалим МухIамадова А., Бакълъухъ гьоркьохъеб школалъул мугIалим Будунова П., Ругъелда гьоркьохъеб школалъул мугIалим МухIамадаминова А., ТIасабакълъухъ гьоркьохъеб школалъул мугIалим ГIабдусаматова П., ва ГIуриб гьоркьохъеб школалъул мугIалим ГIабдулатIипова Х.

Конкурсалъул хIасилазда рекъон, тIоцебесеб бакIалъе мустахIикълъана ХIебда гьоркьохъеб школалъул мугIалим Сапият ХIажиева, кIиабилеб бакI щвана ГьентIа гьоркьохъеб школалъул мугIалим П. ШейхмухIамадовалъе ва ГIуриб гьоркьохъеб школалъул мугIалим Х. ГIабдулатIиповалъе, лъабабилеб бакI бихьизабуна Ругъелда гьоркьохъеб школалъул мугIалим А.МухIамадаминовалъе

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3