ХIебда руччабазул мажлис

Тадбиралда гIахьаллъи гьабуна районалъул имам МухIаммад ГIариповас ва ХIебда росдал имам МахIмуд-афанди Думалаевас. Гьединго, баракатаб данделъиялде районалде гьоболлъухъ щвана Муфтияталъул рухIияб лъайкьеялъул отделалъул руччабазул рахъалъул хIалтIухъаби. Руччабазул мажлисалде гьедин цIикIкIараб къадар гьалбадерил районалде рачIаралдаса 6 сон бан букIана. МахIачхъалаялда бугеб руччабазул «Гьидаят» централъул бетIер ва Муфтияталъул рухIияб лъайкьеялъул рахъалъ руччабазул нухмалъулей Загьра ИсмагIилова ва республикаялъул батIи-батIиял шагьараздасаги районаздасаги рухIияб лъайкьеялъул хIалтIухъаби щвана арал гIодоркъояз ХIебда мажлисалде.

Загьра ИсмагIиловалъ ва гьелъул хIалтIухъабаз гьабуна викторина, бицана Ражаб моцIалъул хиралъиялъул, инсанасе рукIунел хIалбихьиязул, кIал-мацIалъ гьарулел мунагьазул, заманаялъул гьабизе кколеб къиматалъул ва цогидабги.

Сидрат Ибрагьимовалъ бачунеб букIараб Шамил районалъул руччабазул рухIияб лъай кьеялъул отделалъул хIалтIи хадубккун тIубазе йихьизаюна ГIуриса Марьям ГIалиасхIабова.

МухIаммад ГIариповас ва МахIмуд-афанди Думалаевас гьаруна лъикIал насихIатал, бицана Аварагасул (с.гI.в.с.) хIадисазул ва чIужугIадан исламалъ кIодо гьаюн йигей куцалъул. Суалазда рекъон бицана хварав чи чуриялъул, Аварагасул гIумруялъул, какил мухIканлъиялъул.

Руччабазул цIикIкIараб бутIаялъе мажлисалда гIахьаллъи гьабизе щвезе хIисабалде босун, гIодоркъояз нилъехъе щварал Муфтияталъул хIалтIухъабазда ракIалде ккараб хIалалъ тIобитIичIо мажлис. ЦIакъ дагьав чи вукIана тадбиралда. Цо-цо руччаби росулъа рахъарал мажлисалда гIахьаллъизе районалде щваниги, райцентралда гIумру тIамулезул гIемеразул кIудияб гъираго ккун гьечIо къватIире рахъине. 11 устар жанив вахъарав Шамил районалде лъикIаб бербалагьигун щварал гьалбал рихьараб мехалъ, бичIчIулеб букIана, гьезда нилъер рахъалдасан жеги цIикIкIун кIвар буссараблъун батилила ккун букIин тадбир.

Жидерго гьарулел пишабиги нахърахъун тун, гьединаб лъикIаб мажлисалда гIахьаллъаразе ва гьалбадерил адаб гьабуразе баракат кIудияб щвела. Аллагьас нилъее иманги сахлъиги кьейги лъикIал ишазулъ гIахьаллъизе ва гьелдаса мунпагIат босизе.