Районалъул бет1ерасул Къурбан къо баркун, хит1аб

Хириял районцоял, баркула нужеда тIаде щвараб бусурбабазул бищунго хириял байрамазул цояб — Къурбан къо! Аллагьас къабул гьабеги нилъ киназулго хъураб къурбан, гьабураб садакъа, гIибадат ва цIунаги квешабщиналдаса.

Гьарула нужер хъизан-лъималазе, гIага-божаразе, гьудул-гьалмагълъиялъе лъикIабщинаб. РакIал иманалъул цIеги, рукъ баркат-рахIматалъул цIеги, хъураб Къурбанги азариде бахинабеги Аллагьас нужер. Балагьал рикIкIалъаги , рахIматал гIагарлъаги.ХIарамабщиналдаса квер рикIкIалъаги. ЛъикIаб гьабизе, квешаб тезе тавпикъ кьеги киназего. Исана сонги баценалъе хIутIаги нилъее ва рохараб, анищал тIурараб букIаги щивав бусурман чиясул гIумру. Бищунго пашманаблъун лъугьана исана ХIежалде ине гьукъи, бахунеб унтиялъул хIинкъи букIиналъ. Хирияб ракьалде щвезе анищ бугезул Аллагьас кватIичIого гьебги тIубайги. Гьарула киназего унта – щокълъиялдаса цIунараб халатаб гIумру.

Къурбан къоялъул баракат рещтIаги щивав бусурманчиясул хъизамазде. Амин