Меню
16+

Сетевой центр «Хебда-онлайн»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Авартеатралда т1обит1изе буго иргадулаб Авар мац1алъул фестиваль!

Дир хириял маг1арулал, х1урматиял маг1арул мац1ги, ц1арги, ц1алк1уги бокьулел щинал! Т1олгодунялалъул рахьдал мац1азул къоялъул х1урматалда, 2020 соналъул 22 февралалъ Авартеатралда т1обит1изе буго иргадулаб Авар мац1алъул фестиваль. Авартеатралъул фойеялда рук1ине руго киналниги авар мац1алда къват1ире риччалел газет-журналазул банерал ва подшивкаби, маг1арул мац1алда риччарал т1ахьазул церелъеял, аудио-видео продукция, махщелчаг1азул т1аг1алаби…

1. Фестиваль рагьизе ва пикру гъваридал к1алъаял гьаризе руго радал саг1ат 10-ялда. 2. 10.30 – Авар басмабазул цолъиялъ жидерго х1алт1ул х1асил гьабизе буго, шагьаразулгун районазул газетаз щиб гьабулел жал ругел ва сунде к1вар буссинабун лъик1али бицине буго. Кеч1 бакъаналдалъун ва маг1арул кванил ниг1матаздалъун гьеб ах1вал-х1ал нилъеда бич1ч1изабулелги камиларо. 3. 11.30 – «Аварал» абураб жамг1ияб г1уц1иялъ «Бакъул ч1ор» конкурсалъул х1асил гьабизе ва бергьаразе сайгъатал кьезе руго. 4. 12 т1убан хадуб цебе бахъине буго Авар мац1алъул муг1алимзабазул цолъи, жидерго 5 сонил х1албихьиги баччун, кинабниги жидергоги, жидер ц1алдохъабазулги, гьезул эбел-инсулги гьунар бихьизабизе. Гьаниб бицун пайда гьеч1о, бихьун гурони))). Амма ясли-ахазул гьит1ичаз баг1аризабизе буго). 5. 15.00 – Дунялалда бищунго берцинаб ва бечедаб маданиятгун цере рахъине руго нилъер культураялъул х1алт1ухъаби. Гьеб къоялъ сценаялда рук1ине ругел фольклориял коллективал рихьич1ел чаг1аз, жидерго бащадаб г1умру г1адада анилан тезе бегьула. 6. Гьелдаго цадахъ Аваразул миллиябгун маданияб автономиялъ лъаг1алил х1асилалда рекъон кьела маг1арулазул бищунго т1адег1анаб шапакъат «Миллаталъул ч1ух1и» ва цогидалги баркалабигун сайгъатал. 7. Торталда т1ад жага лъолеб нилъер умумузулго бук1араб г1адаталда рекъон, киналдасаго хадуб, саг1ат анлъгоялда Авартеатралъ бихьизабила "Булбулалъул кеч1" спектакль. К1одол гъансиниб юккагун гормендоги, хъабалогун симис халатаб шалги, чухъагун ханжар-рачелги, хурумалъул чакмабиги, бухари т1агъурги гьеч1ев чи нилъер ватиларо. Кутакалда бокьилаан, нилъерго умумузул х1урматалда, миллияб рет1елги рет1ун нужгоги рач1ани, лъималги рачани. Лъаг1алида жаниб цо къоялъг1аги нилъго унго-унгоял маг1арулазда релълъун рук1ине. Берцинал сураталги рахъизеха, рак1алдещвеялъе. Цо-цо доба-аниб зурма-къали, кьурди-хъат камунги нилъ ч1еларо, гьалбадерил вакъарав чиги теларо... Х1урматгун Баху Мух1идинова

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

42