Меню
16+

Сетевой центр «Хебда-онлайн»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«РачIа Дагъистан цебетIезабизе».

Автор: Давуд Давудов

РДялъул администрациялъул нухмалъулев В.Ивановасул бетIерлъиялда гъоркь 8 августалъ, МахIачхъалаялда тIобитIана районазул ва шагьаразул муниципалиял бутIрулги жавабиял министралги гIахьаллъараб гIатIидаб данделъи. Гьеб данделъиялъул аслияб ахIи букIана «РачIа нилъеца Дагъистан цIияб гучалъ цебетIезабизе».

Республикаялъул данделъиялда хIисаб гьабуна «Дир Дагъистан-бацIцIадаб лъим», «Дир Дагъистан-нижер шагьранухал», «Дир Дагъистан–санагIалъабазул тIабигIат» абурал проектал рагIалде рахъинариялъул суалал. Гьеб данделъиялда гIахьаллъана нилъер районалъул бетIер МухIамад ХIасанов ва райсобраниялъул председатель МухIамадамин Хизроев.

«Данделъиялда церелъурал масъалаби кIвар цIикIкIарал руго. Гьел тIуразариялда хадуб хасаб жамгIияб хъаравуллъи букIине ккола»-ян пикру загьир гьабуна гьениб РДялъул Пачалихъалъул Председателасул заместитель Екатерина Толстиковалъ.

Лъадакълъиялъул, нухазул, авал-къватIазул рацIцIа-ракъалъиялъул гIузраби, нилъер районалъул росабазул гIемериселго жамагIатаз жидерго хIаракаталдалъун тIуразаризе хIаракат бахъула. Амма киналго жамагIатазда гуро гьел масъалаби тIуразарун бажарулебги.

Гьединлъидал, Пачалихъалъухъа гьеб бутIаялде щвезе рес бугеб кумек лъиениги заралиябги букIинаро.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2