Меню
16+

Сетевой центр «Хебда-онлайн»

04.06.2019 15:22 Вторник
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Аза-азар чи зияраталда

Исламалъул нухда

КIиазаргоялдасаги цIикIкIун нилъер ракьцоял щвана ЧIикIаре, СагIид афандиясул (къ.с.) зияраталде, Сайпуллагь-къади (къ.с) ва цоги исламалъул гIалимзаби рукъараб ТIасияб Гъаздануши росабалъе 26 маялъ. Гьезда гъорлъ рукIана магIарухъ гIумру гьабулелги шагьаралда яшав гьабулелги.

Ахирал соназ нилъер жамагIаталъ гьединаб сапар гьабулаго лъабабилеб нух буго. Гьелъие хIаракат бахъарал «Шамил районалъул гIолилал» жамгIияб гIуцIиялъул, районалъул администрациялъул нухмалъулезул, рухIиял церехъабазул аслияб мурадги буго гIолилал цого пикруялда сверухъ гъункизари, рухIияб бичIчIикьей.

Дагъистаналда диналъул рацIцIалъи цIуниялъе гIоло гIумруго кьурал, хвелгьечIеб хазиналъун рикIкIен гIемерал тIахьал наслабазе тарал гIадамазул цIаразул, гьезул ирсалъул къимат гьаби буго гьеб. ЖамагIатго цадахъ унеб зияраталъул кIвар къо бахъанагIан цIикIкIунеб буго гIолилазда гьоркьобги.

Зияраталде рахъарал киналго нилъер ракьцоял гIахьаллъараб мажлис тIобитIана ЧIикIаб. Мажлисалда лъикIал кIалъаял, ракIалда чIолеб вагIза-насихIат гьабуна районалъул бетIер МухIамад ХIасановас, районалъул имам ХIасан МухIамадовас, районалда бугеб «Инсан» гурхIел-рахIмуялъул фондалъул филиалалъул нухмалъулев Сайпулакъади МухIамадовас ва цоги цIар рагIарал нилъер исламиял церехъабаз, гIалимзабаз.

Аллагьас къабул гьабеги киназулго зиярат, лъикIаб гIамалалде гIадамал цIцIазелъун гьабураб калам.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0