Меню
16+

Сетевой центр «Хебда-онлайн»

17.03.2017 10:15 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ЦIалдохъан ва мугIалим Федерациялъул Советалда

Лъиего балъголъи кколаро кинан нилъее гьанжесеб заманаялъ гъваридаб, камилаб лъай бугел мугIалимзаби школазда къваригIун ругелали. ЛъикIав мугIалим гьечIони, гьечIо лъикIав цIалдохъанги. Борхатаб даражаялъулаб лъай щвезе кIудияб кумек гьабула цIалдохъабазда гьоркьор тIоритIулел батIи-батIиял къецаз. 

ЦIалдохъан ва мугIалим Федерациялъул Советалда

Лъиего балъголъи кколаро кинан нилъее гьанжесеб заманаялъ гъваридаб, камилаб лъай бугел мугIалимзаби школазда къваригIун ругелали. ЛъикIав мугIалим гьечIони, гьечIо лъикIав цIалдохъанги. Борхатаб даражаялъулаб лъай щвезе кIудияб кумек гьабула цIалдохъабазда гьоркьор тIоритIулел батIи-батIиял къецаз. Соналдаса соналде захIмалъулел руго гьезул гIахьалчагIаздехун ругел тIалабалги. Гьединлъидал, мугIалимас ва гьес хIадурулел цIалдохъабаз, районалда ва республикаялда чIел босизелъун, цIикIкIараб жигар бахъизе ккола. Гьеб хIалтIиги гьезул букIине ккола цоцада дандбараб, къойилго тIадчIей гьабулеблъун. ЛъикIаб хIасил кьураб мехалъ, цIалдохъанасул ва мугIалимасул гъира бала тIадеги хIаракат бахъун хIалтIизе. Призалъулаб бакI щвечIин абун, хьул буссинеги бегьуларо, гьабураб хайираб хIалтIуца кидагIаги пайда кьечIогоги толаро.

            Нижер школалъул цIалдохъабаз щибаб соналда районалда гурелги республикаялдацин олимпиадабазда ва конкурсазда лъикIал хIасилал рихьизарула, гьезие бахъараб хIаракаталъухъ къиматал сайгъаталги кьола. Гьаб соналъ 9 классалъул цIалдохъан ГIисалмухIамадова Хадижатица республикаялда обществознаниялъул олимпиадаялда 2 бакI, «БукIинеселде гали» конкурсалда 2 бакI ва тарихалъул олимпиадаялда 3 бакI босана. Дагьаб цебе тарихалъул олимпиадаялда республикаялда кIиго лъагIелалъ тIатIала бергьенлъи босарав, I0 классалъул цIалдохъан, ХIасанов МухIамадрасул ва гьесул мугIалим ахIун рукIана Москваялда Федерациялъул Советалда тIобитIараб ТIолгороссиялъул «ЦIалдохъабазул бераздалъун къоло цоабилеб гIасруялда Россиялъул тарих» абураб данделъиялде. Гьединаб лъугьа-бахъин гIумруялда жаниб цо букIинеги бегьулаян абуни мекъи ккеларо. Телевизоралдаса гурони гьанжелъизегIан бихьулеб букIинчIеб нилъер пачалихъалъул парламенталъул тIасияб палатаялде сапар нижее кидаго кIочонареблъун лъугьана.

Федерациялъул Советалъул председатель, Валентина Матвиенко, къватIисеб пачалихъалде иналда бан, данделъи нухда бачана гьелъул заместитель Галина Кареловалъ. Гьелда аскIой президиумалда гIодой чIун йикIана Россиялъул лъай кьеялъул ва гIелмуялъул министр Ольга Юрьевна Васильева. Данделъиялда гIахьаллъи гьабуна Госдумаялъул депутатаз, МГУ- ялъул тарихалъул факультеталъул декан И.И. Тучковас, профессораз, гIемерисел субъектазул вакилзаби — лъикIаб лъай бихьизабурал цIалдохъабаз. Кинаб букIине кколеб къоло цоабилеб гIасруялда Россиялъул тарихалде мугIалимасул бербалагьи, кинан гьеб малъизе кколеб лъималазда, кинаб хIалтIи гьабизе кколеб ВатIаналде гIолилазул рокьи цIикIкIинабизелъун мурадалда – гьединал рукIана, къокъго абуни, гьенир лъурал суалал. Россиялъул тарих гьелъул щибав гражданинасда щулаго лъазе хIажатаб бугиланги абун, Г.Н. Кареловалъ гIакълу кьуна гIагараб заманалда ЕГЭ-ялъул чара гьечIого кьезе кколел экзаменазда гьоркьобе гьебги бачине. КIалъазе рахъараз гьелда разилъиги загьир гьабуна. Къадеги кванан, цIалдохъабазе рес щвана Россиялъул гьанжесеб тарихалъул музеялде ине, мугIалимзаби абуни — лъабгоялда гьоркьоб цояб секциялда батIи-батIиял суалаздасан бахIсазде журана. Кинавго чиясул пикраби цоцада релълъарал рукIунарелъул, щивас нилъер обществоялда церечIарал масъалаби жидеда бичIчIулеб къагIидаялъ бицунеб букIана…

            ГIумруялдаго кIочонареб, пайдаяб, лъикIаб асар щолеблъун батана тахшагьаралде нижер къокъаб сапар. Рахъана гIемерал суратал, лъай-хъвай ккана цогидал регионаздасан гIахьалчагIигун. ГIагараб школалде тIад руссингун нижеца мухIканго бицана цIалдохъабазда Федерациялъул Советалда букIараб конференциялъул, гьенир лъурал масъалабазул, цIалуда тIадчIей гьабизе ккеялъул хIакъакъулъ.  

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9