КIоченаро дур цIар, цIикIкIарав тренер

Араб гьатIан къоялъ ГIурада ДЮСШялъул Суракъат Асиятиловасул цIаралда бугеб спортзалалда тIобитIана районазда гьоркьосеб спортшколазда ругьун гьарулел лъималазул эркенаб гугариялъул къецал.

 Къецал тIоритIиялъул аслияб мурадлъун букIана гIолилазда гьоркьоб спорталдехун рокьи куцай ва араб соналда нилъедаса ватIалъарав ГIурада ДЮСШялъул тренер ДРялъул спорталъул ва физическияб культураялъул мустахIикъав хIалтIухъан Асадула МухIамадов ракIалде щвезави. Асадула МухIамадовас ругьун гьаруна Дагъистаналда ва Чачан республикаялда гIемерал чемпионал. Гьес куцарал гугарухъаби рахъана Россиялъул чемпионаллъун ва призераллъун.

I5 батIи-батIияб цIайиялъул категориялда гугаризе рачIун рукIана I80 гугарухъан. Бергьенлъи босарал ва призалъулал бакIал ккурал гугарухъабазе  кьуна шапакъатал ва гIарцулал сайигъатал.