Меню
16+

Сетевой центр «Хебда-онлайн»

09.02.2017 13:14 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Арбули МухIамадов: Загьруяб кIкIуй бетун буго дир ахикь, гьуърузулъ!

Автор: МухIамад ГIУМАРАСХIАБОВ
Ответственный секретарь МБУ "Информационный центр" Шамильского района
Источник: Рищни-къул балеб полигоналда аск1об бугеб ах ижараялъе босун х1алт1изабулев ахихъан Арбули Мух1амадов

Рищни-къул балеб полигоналда аск1об бугеб ах ижараялъе босун х1алт1изабулев ахихъан  Арбули Мух1амадов

Районалда бугеб санитарияб ахIвал-хIалалъул нижеца гIемер бицана. РацIцIалъи цIуниялде ахIулел имамзабазул вагIза- насихIаталги гIемер къватIире кьуна. Жакъа ц1идасанги борхине бокьун буго районалъул рищни-къул балеб  полигоналда т1ад  нак1к1 кинигин т1упун лъураб загьруяб к1к1уялъул . 

                          Загьруяб  кIкIуй бетун буго дир ахикь, гьуърузулъ!

 Районалда бугеб санитарияб ахIвал-хIалалъул нижеца гIемер бицана. РацIцIалъи цIуниялде ахIулел имамзабазул вагIза- насихIаталги гIемер къватIире кьуна. Жакъа ц1идасанги борхине бокьун буго районалъул рищни-къул балеб  полигоналда т1ад  нак1к1 кинигин т1упун лъураб загьруяб к1к1уялъул .

 Лъиего балъголъи гуро гьениб лъураб цIаялъ гIурумухъда тIад накIкI лъураб гIадин, гьеб инсанасул чорхое заралияб кIкIуй букIунеблъиги. Амма лъаларо щаяли, моцIалде гIагарун заманаялъ бухIунго бахъунареб гьеб мусор бугониги,   гьелде кIварго гьабулеб гьечIо лъицаниги.  Радал-бакъанида хIалтIуде вачIунелъул – унелъул гьеб кIкIуйдулъан нух бахъизе ккола дица. ЦохIо хIухьел гьеб заралияб кIкIуйдул эхебе цIайгун загьирлъун бачIуна дару-хералъ гъоркь къинабураб аллергия ва хехаб дарабазул кумек щвечIони, хIухьел бахъизе захIматаб хIал лъугьуна. Гьеб бугоха машинаялдаги рекIун вачIунесе бугеб санагIалъи гьечIолъи. Гьеб бакIалда аскIорго гIумру гьабун ругезе кинабдай зарал гьеб кIкIуйдуца гьабулеб? Жал сабаблъун бусурбабазе, гьезул сахлъиялъе кIудияб зарал кколеб букIин бичIчIуладай гьеб мусор бухIулезда?

   -Дун вуго ижараялъе гьаб ахги босун, гьаб ахидаса пайда босизе абун къватIиве вахъарав чи-ян бицана махъадерил лъарахъ гIумру гьабун вугев  Арбули МухIамадовас. — Дица басриял нахъе къотIун, цIиял чIун лъикIаб ах гIезабун буго. Амма пайда щиб? Гьаб заралияб  кIкIуй дир ахида  тIад бетизабун букIиналъул хIасилалда дихъа пихъ босулел дагьлъун руго.  Щибаб къоялъ бухIараб  рищни-къулалъул заралияб кIкIуялъ ниж гьаб бакIалда яшав гьабиялдасаго инарун руго.   БухIулеб пластмассаги, пакеталги, цогидал заралиялщинал жалазги инсанасе гьабулеб заралалъул гIемер бицунеб рагIула телевизоралдасан. Инсанасул чорхолъ рак унти ккеялъе гьеб заралияб кIкIуйдул цо хIухьел цIаниги гIолингицин абулебги рагIана. Гьединаб, инсанасул чорхое заралияб кIкIуй тIад бетизабун буго нижеда. Зарал буго нижее гуребги щибаб рухIчIаголъиялъеги, гъветI-хералъеги. Зарал буго гъотIода бижараб пихъалъе, гьеб пихъ кваналел нилъееги. Гьеб мусор бухIулеб букIиналъул бицун , гьеб гьукъиялъул мурадалда цересел саназ чанго нухалъ ана дун районалъул тIалъиялда, ХIебда росдал бегавуласда ва районазда гьоркьосеб  экологиялъул отделалъул нухмалъулесда аскIове. Лъаларо щаяли, амма хIасил щибго ккечIо. Гьале жакъа къоялъги гьеб бухIулеб буго.

 Районалъул «Цолъи» газета гьоркьоб ккун дие бокьун буго гьениб цIа лъолезде ахIи базе,-«Ле, диналъул вацал! Гьари буго нужеде, бухIуге гьаб полигоналда мусор!» .

Хьулги буго дир гьари, ахIи гьеб мусор бухIулезда, ялъуни гьеб бухIизе гьукъизе кIолеб районалъул тIалъиялда рагIиялда. 

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

10