Меню
16+

Сетевой центр «Хебда-онлайн»

09.02.2017 12:40 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Коммуналияб гIарац лъие щолеб, щиб хисараб?

Автор: МухIамад ГIУМАРАСХIАБОВ
Ответственный секретарь МБУ "Информационный центр" Шамильского района
Источник: Начальник УСЗН Шамильского района Ильяс Гамзатов

Араб соналъул 25 ноябралда къватIибе араб номералда халкъ социалияб рахъалъ цIуниялъул Управлениялъул нухмалъулев Ильяс ХIамзатовас бицун букIана «ЗахIматалъул ветеран» абун цIар кьуразе коммуналияб гIарац щиб гIиллаялдалъун щолеб гьечIебали. Гьесул рагIабазда рекъон 1600 чиясе щвезе кколеб гьеб гIарац араб соналъул июль моцIалдаса нахъе щун букIинчIо, гьелъие гIиллаги ДРялъул Минфиналдаса Минтрудалде гIарац рехун бачIунгутIи букIана.

 

Коммуналияб гIарац  лъие щолеб, щиб хисараб?

Араб соналъул 25 ноябралда къватIибе араб номералда халкъ социалияб рахъалъ цIуниялъул Управлениялъул нухмалъулев Ильяс ХIамзатовас бицун букIана «ЗахIматалъул ветеран» абун цIар кьуразе коммуналияб гIарац щиб гIиллаялдалъун щолеб гьечIебали. Гьесул рагIабазда рекъон 1600 чиясе щвезе кколеб гьеб гIарац араб соналъул июль моцIалдаса нахъе щун букIинчIо, гьелъие гIиллаги ДРялъул Минфиналдаса Минтрудалде гIарац рехун бачIунгутIи букIана.

  Гьесулгун гара-чIвари гьабуралдаса ана кIиго моцIалде гIагарун заман, тIаде щвана цIияб сон. ГIадамазе коммуналияб гIарац кьеялъулъ ккарал хиса-басиял ругищали баян щвезелъун гьал къоязда нахъойги дандчIвана рехсараб Управлениялъул нухмалъулев Ильяс ХIамзатовгун. Гьес мух1кан гьабулеб буго жакъасеб ах1вал-х1ал:

 -Доб рехсараб коммуналияб гIарцул рахъалъ нилъеца  цебеккун бицаралда тIаде, жакъа къоялде ккараб щибго хиса-баси гьечIо. ГIадамазе гьеб гIарац жеги щунги гьечIо- ян бицана Ильясица.

-Гьаниб бичIчIизе ккараб жо буго гIаммгьабун коммуналияб гIарацин абуниги , лъие, щиб ва кигIан гIарац щвезе кколебали. Мисалалъе босани: учительзабазе,медработниказе, культураялъул хIалтIухъабазе,соцработниказе ва ветеринариял хIалтIухъабазе щибаб моцIрое щвезе ккола 1055 гъурущ коммуналияб гIарцул. Гьаб рехсараб категориялъе гIарац щун гьечIо 2015 соналъул декабрь моцIалдаса байбихьун жакъа къоялде щвезегIан-лъагIелги кIиго моцIалъги.

 Коммуналияб гIарац щола кIиабилеб категориялъеги. Гьел ккола лъабабго группаялъул ва лъимал инвалидал, лъимал гIемерал хъизанал, росабалъ ругел специалистал, захIматалъул ветеранал ва гь.ц. Мисалалъе босани, инвалидазе кьезе кколеб коммуналияб гIарац гьаб соналъул январь моцIалде щвезегIан щибго налъи гьечIого кьун буго.Налъи буго лъимал гIемераб хъизаналъе кьолеб (араб соналъул февраль моцIалдаса нахъе кьун гьечIо), ветераназе (араб соналъул июлалдаса нахъе кьун гьечIо)кьолеб гIарцул.

Къокъго абуни, жакъа къоялде кинабгIаги данде къан, 31 миллионгин 675 азаралда 169 гъурущ коммуналияб гIарацалъул налъи буго. Гьанибго рехсечIого гIоларо коммуналияб гIарац щвеялъулъ ккарал хиса-басиязулги. Хиса-басиял ккана нижер Управлениялдасан коммуналияб гIарац  щвезе ккани нижехъе кьезе кколел документазул. Инвалидазе, лъимал гIемерал хъизаназе ва цогидалги гьездинаб кумек щвезе кколел г1адамазе нижер Управлениялдасан кьолеб букIана токалъухъ, газалъухъ, тIорччохъ компенсация.

 Араб соналъул 2 декабралда №347 номералда къватIибе бачIараб ДРялъул Правительствоялъул постановлениялда рекъон, гьеб компенсация щвезе гьечIо  жидее щварал коммуналиял хъулухъазухъ  налъи гьечIин абураб справка нижехъе щвечIони. Гьелдаго цадахъ щивав гьеб компенсация щолевщинас нижехъе бачIине ккезе буго нижер гьаниса щолеб компенсациялдаса дагьаб гьечIеб гIарац (мисалалъе токалъухъ -72 гъур) кьунин абураб квитанцияги. Нижехъе квитанция бачIине ккола токалъул, газалъул ва тIорччол. Рехсарал квитанцияби ва хадуб коммуналиял хъулухъазухъ налъи гьечIин абураб справка бачIинегIан гьаб соналъул январь моцIалдаса байбихьун нижер идараялдаса лъабабго группаялъул инвалидазе ва лъимал инвалидазе компенсация кьей гьоркьоб къотIизабун буго.

Гьединго февраль моцIалдаса байбихьун коммуналияб гIарцул компенсация кьей  гьоркьоб къотIизабизе буго лъимал гIемерал хъизаназеги гьез  хъизамалъул щивав чиясул цIаралда доходазул справка нижехъе бачIинегIан. Гьаб лъагIел ахиралде щвезегIан гьезго рачIине ккола гьаб соналъе токалъул, газалъул ва тIорччол  квитанциябиги.

 

PS. Гьадинаб суал баккулеб буго гьаниб: цIиял хиса-басиязда рекъон УСЗНалде жанире кьезе кколел араб соналъул квитанцияби гIадамаз киса ралагьизе ругел? Гьеб цо. КIиабилебги, 42 гъурущ газалъухъ ва 72 гъурущ токалъухъ щолеб компенсация щвезелъун 300 гъурщиде таксиги ккун инвалид вачIине вугищ УСЗНалде гьел квитанцияби кьезе? Дида гьел хиса-басиял гьадиналлъун рихьана. Нужер пикру кинаб бугеб хириял цIалдолел? 

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

11