Кинабго рахъалъ мисалияй цIалдохъан
Гьаб соналъул микьабилеб февралалда МахIачхъалаялда тIобитIана гIумруялъе хIинкъигьечIолъиялъул аслаби лъаялъул рахъалъ тIолгороссиялъулаб олимпиадаялъул республикаялъулаб бутIа.
Кинабго рахъалъ мисалияй цIалдохъан
Гьаб соналъул микьабилеб февралалда МахIачхъалаялда тIобитIана гIумруялъе хIинкъигьечIолъиялъул аслаби лъаялъул рахъалъ тIолгороссиялъулаб олимпиадаялъул республикаялъулаб бутIа.
Рехсараб олимпиадаялъул районалъулаб бутIаялда тIоцебесеб бакIги ккун, гьений гIахьаллъана ХIебда гьоркьохъеб школалъул 9 «б» классалъул цIалдохъан МухIамадова Фатима ГIалиасхIабовна.
ОБЖялъул учитель Юупов Юнусил рагIабазда рекъон, гьесул цIалдохъан Фатима МухIамадовалъул хIалтIи теориялъул рахъалъ бищунго лъикIаблъун букIана ва бищунго цIикIкIарал балалги щвана.
Олимпиадаялъул хIасилазда рекъон, гьенир гIахьаллъарал 15 районалдаса вакилзабада гьоркьой Фатима МухIамадова мустахIикълъана лъабабилеб даражаялъул дипломалъе ва медалалъе.
Гьединго араб соналъул ахиралда Фатима гIахьаллъана спорталъул,туризмалъул ва гIолилазул ишазул Комитеталъ 1999 соналъ гьарурал лъималазда гьоркьоб тIобитIараб туманкI речIчIиялъул къецаздаги. Гьенибги Фатимаца ккун букIана лъабабилеб бакI.
ЦIалулъги, гIадлу-низамалъулги, гIамал-хасияталъулги рахъалъ мисалияй цIалдохъан Фатима МухIамадовалда баркула гьел бергьенлъаби ва гьарула цIалулъ ва спорталъул чIахIиял церетIеял.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
