Районалъул бет1ерасул барки

Жидер ракь бокьулеб халкъ гьечIони кигIан гьайбатаб бакIалъулги

цебетIей букIунаро. Жакъа районалда бугеб лъикIабщинаб-гьеб буго

нилъер халкъалъ умумузул ракьалде рокьи загьир гьаби, хадубккунги гьеб

щулалъизабизе яхI бахъи. Жакъа нилъеца гIуцIараб-гьеб буго наслабазе

толеб нахърател. Нилъее умумуз тараб рухIияб ирс исламияб дунялалдаго

бихьулеб канаб цIвалъун буго. Гьеб баракаталъул къимат бичIчIулеллъун

рати-гьебги буго нилъер талихI.хириял, районцоял, гьарула щибаб рукъалъе

пагьму-гьунар бугел лъимал, лъималазулъ лъикIабщиналъул кьучI лъезе

эбел-инсуе къуват. Наслабазе мисалалъе рехсезе мустахIикъал гIемер

рахъана нилъер ракьалда, гьезул къимат цIунизе тавпикъ кьеги киназего.

кив вугониги инсанасул ракI цIцIала жиндиего бищун бокьулеб ракьалъул

бокIоналде. Гьединаб къиматаблъун

лъугьаги нилъер наслабазе, дунялго

жиндир бахIарчилъиялъ асир гьа-

бурав, кIудияв Шамил имамасул цIар

кьураб район! Щивасе гьарула сахлъи,

ракIазе сахаватлъи, гъваридаб имам.

Гьеб кинабго бугони инсан кидаго ва

кивго къуватавлъун вукIуна. Риччанте

нилъер ракьалда цIикIкIине тIегьарал

ахал, хайир кьолел хурзал! Биччанте

гIурдаллъи чIаголъизе гьарзаял гIи-

боцIул рехъабаз. Гьеб буго дир мурад,

хIурматиял ракьцоял!