Меню
16+

Сетевой центр «Хебда-онлайн»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гъизляралъул МАИ-411 Москваялъул зодихъ

Дагьалъ цебе Москваялда гIагарлъухъ бугеб Жуковский шагьаралда букIана иргадулаб, Халкъазда гьоркьосеб авиационно-космический салоналъул выставка, къокъго- МАКС.

1993 соналдаса нахъе, кIиго лъагIалида жаниб цо нухалъ тIобитIулеб гьеб выставкаялда гIахьаллъула дунялалъул бищун церетIурал авиациялъул ва космосалъул техника гьабулел компаниял, цебетIураб гьеб босизе бокьарал. Исанасеб МАКС-2019 выставкаялда гIахьаллъана 33 пачалихъалдаса авиациялъул ва космосалъул техника гьабулеб 827 компания. Гьеб кIудияб выставкаялда ракIчIараб рорженгун, нусазаргоялдасаги цIикIкIун халкъ бакIарараб МАКСалъул салоналъул зодихъе бахана, нилъер районцояв Ибрагьим АхIматIов бетIерлъуда вугеб ОАО «Концерн КЭМЗ»алда гьабураб, гIемер рахъазда хIалтIизабизе бегьулеб, ункъго чи гIодов чIолеб, МАИ-411 самолет. 

Дагьалъ цебе Москваялда гIагарлъухъ бугеб Жуковский шагьаралда букIана иргадулаб, Халкъазда гьоркьосеб авиационно-космический салоналъул выставка, къокъго- МАКС.

1993 соналдаса нахъе, кIиго лъагIалида жаниб цо нухалъ тIобитIулеб гьеб выставкаялда гIахьаллъула дунялалъул бищун церетIурал авиациялъул ва космосалъул техника гьабулел компаниял, цебетIураб гьеб босизе бокьарал. Исанасеб МАКС-2019 выставкаялда гIахьаллъана 33 пачалихъалдаса авиациялъул ва космосалъул техника гьабулеб 827 компания. Гьеб кIудияб выставкаялда ракIчIараб рорженгун, нусазаргоялдасаги цIикIкIун халкъ бакIарараб МАКСалъул салоналъул зодихъе бахана, нилъер районцояв Ибрагьим АхIматIов бетIерлъуда вугеб ОАО «Концерн КЭМЗ»алда гьабураб, гIемер рахъазда хIалтIизабизе бегьулеб, ункъго чи гIодов чIолеб, МАИ-411 самолет. Выставкаялдаги, Москваялде ва тIадбуссун самолеталда роржен гьабуна махщел камилав летчик (мастер спорта международного класса, двухкратный чемпион СССР, чемпион России, Европы, призер чемпионата мира по высшему пилотажу) МачIадаса Муслим ХIасановас.

Кинабго рахъалъ халги гьабун, МАКС-2019 выставкаялъул гIахьалчагIаз ва гьалбадерица лъикIаб къимат кьуна МАИ-411 самолеталъе. Гьеб гьитIинаб ва чIурканаб самолет буго гIаздада яги лъеда тIад рещтIунеб къагIидаялъги хIалтIизабизе бегьулеб. МАИ-411 кибго лъалхъичIого боржуна 1500 километраялъ рикIкIаде, 3000 метраялъул борхалъуда.

МАКС-2019 выставкаялда «Дагъистаналъул лимузин» абун цIар щвараб гьеб самолет босизе бокьарал къватIисел улкабазул компанияз дармилал къотIи-къаял гьаризе байбихьун буго Гъизляралъул заводалъулгун.

ОАО «Концерн КЭМЗ»алда хIадурлъи унеб буго жеги цIикIкIун гIадамал гIодор чIезе бакIал ругел самолетал гьариялъеги.

ОАО «Концерн КЭМЗ»алъул самолетал-гьеб буго Ибрагьим АхIматIовасул гIумруялъул анищ. Гьеб анищ рагIалде бахъинабиялда тIад хIалтIулев, ургъулев эмен ватана гьесул лъималазда жидеда лъай лъаралдаса нахъе.

Москваялъул Авиационный институтги лъугIун, гьеб самолет камиллъизабиялда тIад хIалтIулев вуго Ибрагьим АхIматовасул вас АхIматI АхIматIов.

Жиндирго дипломалъул проектлъунги гьес босана заводалда гьабулеб МАИ- 411 самолет.

Инсулго гIадин гьесулги бидулъго буго КЭМЗалъул самолетал зодихъе рахинариялъул шавкъ. КIудияв вац МухIамадицагун цадахъ гьесги ишан босун буго улкаялъул ва къватIисел хIукуматазул церетIурал предприятиязулгун гIатIидаб гьоркьоблъиялде.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6