Гьидалъа Хочбарил кубок
10 ноябралда ХIотода росулъ тIобитIана халкъияв багьадур Хочбарил кубокалъе волейболалъул турнир. Гьенир гIахьаллъана районалъул бищун лъикIаб 8 команда: Гьолокь, ХIотода, Гъогъолъ, Гьоор, ТIелекь, ХIебда, Ругъелда, Лъахъ росабаздаса.
Турнир рагьиялда гIахьаллъана райадминистрациялъул вакилзаби ва жамгIиял хIаракатчагIи.
Къецазул хIасилазда 1-себ бакI босана, кидагосел чемпионал, Гьолокь командаялъ. 2-леб бакI щвана ХIотода росдал командаялъе, 3-леб бакIалде бачIана ХIебда росдал команда. Турнир гIуцIана хIотода росдал администрациялъул ва «Шамил районалъул гIолилал» жамгIияб гIуцIиялъул хIаракаталдалъун.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
