Ток къачIазе чIаголъи гьабуна

ЦIияб соналъул гIодоркъояз трансформаторги бухIун токги гьечIого хутIана ГIуриб росу.

Гьеб ахIвал-хIал росдал бегавулас лъазабуна районалъул нухмалъулезда ва РЭСалъул хIалтIухъабазда.

Кьиндалил квачалъухъ балагьичIого хадусеб къоялъго гьеб къачIазе нахъе бахъизе чIаголъи гьабуна росдал бегавулас ва гIолохъабаз. Гьезие кумекалъе рачIарал токалъул идараялъул хIалтIухъабаз кIиабилеб къоялъго къачIан, букIараб бакIалда рекъезабуна трансформатор. ГIурисезул жамагIаталъ баркала кьолеб буго районалъул нухмалъулесе, РЭСалъул хIалтIухъабазе, жидерго росдал бегавуласе ва гьеб ишалъулъ гIахьаллъарал гIолохъабазе.