Меню
16+

Сетевой центр «Хебда-онлайн»

25.01.2019 12:44 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Анлъго школалъе щвана цIиял автобусал

Автор: М. МухIамадов
корреспондент
Источник: газета "ЕДИНСТВО"

Районалъул бетIерас  бицанихъе, гьел автобусал, 10 соналъ церего кьун рукIарал басриял хисун кьезе рихьизарун руго ДРялъул лъайкьеялъул министерствоялъ.

ЦIияб сонил тIоцебесебго хIалтIул къоялъ районалъул администрациялъул азбаралда мухъ гьабун чIезарун рукIана цоцазда релъарал микроавтобусал. Районалъул бетIерас цересел данделъабазда бицанихъе, гьел автобусал, 10 соналъ церего кьун рукIарал басриял хисун кьезе рихьизарун руго ДРялъул лъайкьеялъул министерствоялъ. Рохалилаб ахIвал-хIалалда ана автобусазул кIулал Гьандихъ, Гьолокь, МачIада, ГIурада, ХIотода ва ТIелекь №1 школазул директоразухъе кьолеб гьеб тадбир. Гьенив кIалъалаго районалъул бетIер МухIамад ХIасановас баркигун цадахъ цоги нухалъ баян гьабуна автобусал цереккун гьел рукIарал школазе басриял хисун кьолел рукIин. Гьединго гьес абуна чара гьечIого жидерго транспорт хIажатал Ругъелда, ГIуриб гIадал рикIкIада ругел росабазул школазе гьел тIалаб гьаризеги хIаракат бахъине бугилан. Школалъул автобусазул водителасе хасаб штатги чIезабун, гьеб транспорт цIуниялъул жавабчилъиги тIадкъазе ккелин абуна М. ХIасановас.

Гьел машинаби хъулухъ гьабун, лъималазе хIинкъи гьечIолъи букIунеб хIалалъ цIунизе ккеялъул жавабчилъи букIинабизе ккелин абуна райОНОялъул нухмалъулев И. ХIажиевасги. Школазе гьединаб санагIат, сайгъат щвезабуралъухъ гьес баркала кьуна республикаялъул, министерствоялъул ва районалъул нухмалъулезе. Гьеб лъикIлъи жидеда кутакалда бичIчIун бугин абуна баркалаги кьолаго школазул нухмалъулезги.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0