Меню
16+

Сетевой центр «Хебда-онлайн»

06.04.2017 09:35 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

РацIцIалъи алжаналъуса бач1араб буго

Щибаб моцIалъул ахирисеб рузманкъоялъ тIобитIула районалъего гIаммаб субботник. Гьелъие районалъул бетIерасул хасаб хIукмуги буго. Араб рузманкъоялъ  районалъул росабалъ гьарурал х1алт1абазул баян кьолеб буго гьаниб гъоркьехъун. 

Щибаб моцIалъул ахирисеб рузманкъоялъ тIобитIула районалъего гIаммаб субботник. Гьелъие районалъул бетIерасул хасаб хIукмуги буго. Араб рузманкъоялъ  районалъул росабалъ гьарурал х1алт1абазул баян кьолеб буго гьаниб гъоркьехъун.

ХIебда

 31 марталда районалъул тIолалго идарабазул хIалтIухъабаз  кьищни-къулалдаса рацIцIад гьаруна щибаз жиде-жидер идарабазул минабазда сверухълъи. Райцентралдаса къватIибе баччана кьищни-къулалъул чанго машина.

Мисалияб х1алт1и гьабуна культураялъул, казначействоялъул райадминистрациялъул, КЦСОНалъул, лъай кьеялъул отделалъул, ХIебда ясли-ахалъул, поликлиникаялъул, военкоматалъул, ХIебда росдал администрациялъул хIалтIухъабаз. Росулъ киса-кибего гьабулелъул т1алабги гьабун, х1ажаталъуб кумек гьабуна Х1ебда росдал нухмалъулез.

Амма, жидерго росу бац1ц1ад гьабиялъулъ г1ахьаллъи гьабич1о Х1ебда росдал жамаг1аталъ. Росдал бегавулас абун гуребги рузманалда росдал имамас лъазабун букIаниги, субботникалде гьел рахъинч1о.  Гьебго пикру загьир гьабуна ХIебда росдал бегавул МухIамад МухIамадовасги. 

ТIидиб росдал жамагIатги бахъун росулъ рацIцIа-ракъалъи гьабун буго. Гьединго субботникалъул къоялъ къач1ан буго росулъ жаниб бугеб кьодул сак ва бан буго кьода  аскIоб гIурул рагIалда щулалъиялъул къед.

Гъоркьа Бакълъухъ, Къах1иб, Гьандихъ ва ТIогьохъ муниципалияб гIуцIиялда гьоркьоре унел росабалъги росабалъ жамаг1атал рахъун гьарун руго росабазул нухалъ къач1аялъул, къват1ал  рац1ц1иялъул х1алт1аби.

P.S. Г1емериселго гьал баянал редакциялде кьурал, т1адехун рехсарал бегавулзабазе баркалаги загьир гьабулеб буго нижеца. Лъаларо, гьаб анкьго росулъ гурони цогидал росабалъ щибго х1алт1ийищ гьабич1ебали, нижехъе гьаб гурони баян щвечIо. Щибаб росулъ гьабураб хIалтIул баян редакциялде кьеян щивав бегавуласда лъазабунги буго районалъул нухмалъулез.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

27