Гьооргун Къах1ибе шагьра къач1алеб буго

Субботник тIобитIараб рузманкъоги рикIкIун, щугониги къо буго ниж жамагIаталъул нухазда хIалтIулаго.

Районалъул нухазул идараялдаса нижер нухазда хIалтIизе битIун бачIана ункъго самосвал машина, трактор ва цо экскаватор.  Автогрейдер битIун бачIана МухIамад ХIамзаевас. Росулъе рачIунел нухазде ракь баччун, автогрейдералъ битIизабун, хадур нижер жамагIаталъул гIолохъаби хIалтIун,  нух къачIалеб буго.

Гьединаб кумек нижее гьабурал районалъул нухазул идараялъул нухмалъулев Амин ХIасановасе ва Бакълъухъа МухIамад ХIамзаевасе ракI-ракIалъулаб баркала загьир гьабулеб буго КъахIиб ва Гьоориб росабазул жамагIатаз.